Prinsenpaar

Op Zoondig 14 januari 2024 is in gemeinschapshoes “De Stip” ut nuuje Preensepaar oetgerope van De Geulmennekes oet Meersje. Eindelik waor ut moment aangebroke. Verstooke oonder eine grwatte kop kaom de nuuje Preens de zaal in laope en ging op ut podium stoon. Ut aftelle koos beginne.

Es nuuje Preens van de Geulmennekes kaom Preens Jip I teveursjien, beter bekint es Jip Roufs wonende op de Somyasingel in Meersje. Nao dat heer waor oetgeroepe ging heer zien Preenses achter in de zaal ophoole.

Preens Jip I haw Mila Canna, wonende in ’t Humcovenderveld in Meersje, tot zien Preenses gekoze.

De veurzitter installeerde ut nuuje Preensepaar mèt behölp van hun awwersj. De proclamatie, die aog dit jaor gemaak is door Remco Vertommen, woort veurgeleze en de recepsie kos beginnen. Nao dat die veurbie waor ging ut nuuj Preensepaar nog ein paar urkes hosse en sjpringe in de zaal. Doordat geer mèt grwatte getale aanwezig waort, is deze middig met ès whagtepunt de oetroping van ut nuuje Preensepaar eine geweldige middig gewoore. Names ut bestuur, Preens Jip I, Preenses Mila en de raod van 11 wille veer dan aog eederein bedanke dèh op deze middig aanwezig waor.