Prins Davey I & Prinses Miana, prinsenpaar 2020

 

Prins Davey I & Prinses Miana zullen de Geulmennekes voorgaan tijdens de vastelaovend van 2020!

Op zondag 26 januari werd in een bomvol gemeenschapshuis de Stip het nieuwe prinsenpaar uitgeroepen. Prins Davey I & Prinses Miana zullen de jeugd van vastelaovend vierend Meerssen voorgaan in 2020. Zij stellen zich hier aan jullie voor.

 

 

 

 

 

 

 

 

 

 

 

 

 

 

 

 


 

Prins Davey I

Unne daag wat ich nwats méh zal vergeete, unne woonsdig in November toen Ton van de Geulmennekes mien mam belde um te vroage of ich prins van de Geulmennekes wou weure. Ich woar verbaas en houw nwats gedach dat ze mich ginge vroage. Ich hoofde gein seconde noa te deenke en ich wis ut metein. Dit wil ich, dit is mien grwatste dreum.

Tjwé daag later kwoame Ton en Dimitry um vanalles te vertille. Gein twiefels? Nei natuurlijk neet, dit is geweldig, zwa sjiek! Ich woar trots en blie en häw noe al kriebels in miene boek. Toen kwoam de vroag, wéh wil stich es dien prinses? Auch doa hoofde ich neet euver noa te deenke, ich wis ut metein. Ich zou Miana hjel geir es mien prinses wille. Mér veer wiste neet of Miana dit waal wou? Nog effe bleef ut spjannend en moandigoavund kreege veer te wjére dat Miana mien prinses wou zeen. Geweldig!

Noe is alles compleet en zeen veer kloar veur de vastelaovend. Ich prins Davey d’n Jhérste gaon same mit mien Prinses Miana d’r unne geweldige carnaval van make in Meersje mit alle carnavalvierders en natuurlijk CV de Aanhawwersj en Sjots en sjeif.

 

3x “Meersje Alaaf”!

Prins Davey l

 


 

Prinses Miana

Moandig 2 december 2019 begos es eine gewone normale daag, totdat ich oet sjwal kwoam en mien pap en mam zachte dat ze mich get moste vertille. Ze vertilde mich dat eemes haw gebeld met ein jhél biezeundere vroag….. Namelijk of ich ut leuk zou vinge um jeugdprinses van Meersje te wille weure. Ich schrok en zach: ’Huh wie kin dit noe?’,en dach die zin dich ein bitsje veur de gek aan ut hauwe.

Wie ich merkte dat ut gein grepke woar, vong ich ut sjiek méh auch erg spannend! Wéh zouw de prins dan zin déh mich hét gekoze? En durf ich dat waal es verlege meadsje wat zich meistal ut leefs op de achtergrond hilt. Noa eve alles te höbbe loate bezinke wis ich al geliek, dit wil ich zeker waal! Eeder meadsje druimp er toch van um eine kjer prinses te kinne zin! Veer höbbe dan auch geliek dezelfde oavend loate weite, dat ich ut leuk zou vinge en gére prinses van meersje zou wille weure!

2 daag later höb ich same met mien ouwers aafgesproken met Ton en Demitry bie ös toes. Zwoa spannend! Kreeg ich noe dan te wjére wea de prins zouw zin? Noa vöäl informatie van wat mich allemoal te wachte steit die daag, vroog ich wéh is noe eigenlijk de prins? Eindelijk kreeg ich het verlossende antwoord dat het prins Davey zou zin. Ich woar opgeluch en wilde ’t leefs eederein vertille wat mich allemoal euver keump,méh joamer genog mos ich miene mond hauwe.

Wat is dat léstig es te get leuks te vertille höbs. Op sjwal veulde ‘t raar en dörfde ich Davey neet aan te kieke. Ich vroog mich aaf of heer zou weite dat ich joa haw gezag. Gelukkig kreeg ich snel zien nummer zwadat veer koste aafspreke um ‘t der euver te höbbe. Same met zien mam kwoam heer noa oos hoes en goaf mich ein kaart wah in heer mich nog ens persoonlijk vroog um zien prinses te weure.

Veer sproake vanaaf toen gereigeld aaf um carnevalsleedsjes te luustere. Auch moos ich same met pap en mam vöäl goon reigele veur die daag en natuurlijk ein klétsje keze. Dat woar neet gemeekelijk mer waal jhel leuk!

Wie alles woar gereigeld vong ich ‘t steeds spannender weure en doorde ‘t mich te lang. Normaal gezeen goan ich eeder joar op carnavalsmoandig noa de optoch kieke, snupkes rape en zweije noa de prins en prinses. Noe stoan ich same met Davey op de wage en zweije veer noa de res!

Ich hoop dat ich same met Davey, de Geulmennekes en natuurlijk de res van Meersje der einje geweldige en onvergetelijke carnaval de van goan make!

Meersje sjöt in!

 

Alaaf,alaaf,alaaaaaaaaaf,

Prinses Miana.